ایران ایسلام جمهوریتی اینسان حاقلارینا سایغی ایله یاناشمیر
آزادلیق رادیوسو: سئنتيابرين 10-دا تئهراندا ايران آذربايجانليلاريندان بيري نين ائوينده ايفطار سفره سينه توپلاشان 20 نفر اطلاعات-اين حبسخاناسينا آپاريليب. خبري «آزادليق» راديوسونا ايراندا آذربايجانلي سياسي محبوسلارين مودافيعه آسسوسياسيياسي نين سؤزچوسو «واحيد قاراباغلي» وئريب. اونون سؤزلرينه گؤره، حبس ائديلنلر ايران آذربايجانيندا تانينان سيمالار – يازارلار، ژورناليستلر و موهنديسلردير.
واحيد قاراباغلي: «حبس ائديلنلرين ايچريسينده تانينميش سياسي محبوس عباس ليساني نين حيات يولداشي روقييه خانيم و اوچ اؤولادي دا وار. ايران دؤولتي ديلده موسلمان اؤلکه سي اولدوغونو، ايسلامي تبليغ ائتديگيني دئيير، آنجاق ايفطار سفره سينه توپلاشان اينسانلاري هئچ بير سبب اولمادان حبسخانالارا آپارير. هئچ اونلارا اوروجلاريني آچماغا دا ايمکان وئريلمير».
و.قاراباغلي نين فيکرينجه، هئچ بير گوناهي اولمايان اينسانلارين، خوصوصن قادينلارين، اوشاقلارين حبسخانايا سالينماسي، اونلارين عائيله لريله علاقه ياراتمالارينا ايمکان وئريلمه مه سي هم بين الخالق، هم ده ايران دؤولتي نين قانونلاري نين کوبود شکيلده پوزولماسيدير.
حبس ائديلنلردن بير نئچه سي نين عائيله لريله علاقه يارادا بيلسک ده، اونلار تضييقلردن قورخدوقلاري اوچون آچيق موصاحيبه وئره بيلميه جکلريني دئديلر. ياخينلاري نين حبس ائديلمه سي خبريني ايسه ايفطار مراسيمينه قاتيلان، آنجاق اطلاعات-اين گؤزله نيلمز هوجومو زاماني ائودن چيخماغي باجاران بير شخصدن آلديقلاريني بيلديرديلر. قوهوملاري نين هارادا، هانسي شرايطده ساخلانماسي، اونلارا هانسي ايتتيهامين ايره لي سورولمه سيندن ايسه خبر توتا بيلمه ييبلر.
حبس ائديلنلردن يالنيز بيري نين عائيله عوضوو آدي نين چکيلمه مه سي شرطيله «آزادليق» راديوسونا موصاحيبه وئريب. موصاحيبيه وئرن خاريجي دؤولتلردن بيرينده تحصيل آلير. دئديگينه گؤره، بو، آتاسي نين بيرينجي حبسي دئييل. بين الخالق بيرليگين ايرانا تاثير ايمکانلاري نين اولماماسي ايسه اونون فيکرينجه، تئهرانا اينسان حاقلاريني ايسته ديگي کيمي پوزماغا ايمکان وئرير:
ايکي ايل اول ده آتامي توتموشدولار. من تصييقلرله اوزلشه جگيمدن احتياطلانيب ايرانا گئده بيلمه ديم. قارداشيم ايشدن آيريلماق زوروندا قالدي. هر آنلامدا بيزيم عائيله يه باسقي گؤستريلدي. او زامان آوروپا اينسان حاقلاري محکمه سينه موراجيعت ائتديک. اوردان بيلديرديلر کي، ايران آوروپا اينسان حاقلاري کونوئنسيياسي نين يوريسديکسيياسيندا اولماديغيندان بيزيم موراجيعتيميزه باخا بيلميه جکلر. اونا گؤره ده ايران هئچ زامان اينسان حاقلارينا سايغييلا ياناشمير».
آذربايجانلي سياسي محبوسلارين مودافيعه آسسوسياسيياسي نين سؤزچوسو واحيد قاراباغلي نين سؤزلرينه گؤره، ايران آذربايجانيندا حبس ائديلن طلبه لردن 8-اي هله ده آزادليغا بوراخيلماييب. بعضيلري نين حبسيندن 2 آيدان چوخ واخت کئچمه سينه باخماياراق هئچ بيرينه ايتتيهام ائلان ائديلمه ييب. و.قاراباغلي دئيير کي، اونلارين تک گوناهي حؤکومتين ايران کونستيتوسيياسي نين 15-جي مادده سينه عمل ائتمه سيني ايستمه لريدير. بو مادده هر بير وطنداشا اؤز ديلينده تحصيل آلماقلا ياناشي، باشقا مدني حاقلار دا وئرير:
«حبس ائديلنلرين عائيله لري رسمي قوروملارا موراجيعت ائدنده اونلارا يالنيز بير سؤز دئييلير - سيزين اؤولادلارينيز بيزيمله ايشبيرليگي قورمور، اونا گؤره اونلاري جزالانديريريق. اونلار اطلاعات-اين حبسخانالاريندا تک ادامليق کامئرالاردا ساخلانير».
بو آرادا حبسده ساخلانان 8 طلبه نين عائيله لري ايران عالي محکمه سي نين رهبرينه موراجيعت اونوانلاييب. سندده توتولانلارين حوقوقلارينا سايغي ايله ياناشيلماسي طلب ائديلير. بئلچيکادا ياشايان بير قروپ آذربايجانلي دا آوروپا پارلامئنتي نين قارشيسيندا ايراندا اينسان حاقلاري نين کوبود شکيلده پوزولماسينا، رسمي تئهرانين ايران آذربايجانيندا آپارديغي رئپرئسسيو تدبيرلره اعتيراضلاريني بيلديريبلر.
http://www.azadliq.org/content/Article/1199278.html
